കെപിസിസി പുനഃസംഘടന ചർച്ചകൾ ഡൽഹിയിൽ തുടരുന്നു

കെപിസിസി പുനഃസംഘടന ചർച്ചകൾ ഡൽഹിയിൽ തുടരുന്നു.എഐസിസി ജനറൽ സെക്രട്ടറി മുകുൾ വാസ്‌നികുമായി കെപിസിസി അധ്യക്ഷൻ മുല്ലപ്പള്ളി രാമചന്ദ്രനും പ്രതിപക്ഷ നേതാവ് രമേശ് ചെന്നിത്തലയും ഇന്ന് ചർച്ച നടത്തും.

ഇന്നലെ രാത്രി നിശ്ചയിച്ചിരുന്ന ചർച്ച ലോക്‌സഭ നടപടികൾ നീണ്ടു പോയതിനെത്തുടർന്ന് മാറ്റിവയ്ക്കുകയായിരുന്നു.15 ജനറൽ സെക്രട്ടറിമാരെയും 30 സെക്രട്ടറിമാരെയും ഇന്ന് തിരഞ്ഞെടുത്തേക്കു മെന്നാണ് വിവരം. നേതാക്കളുടെ എണ്ണം പരമാവധി കുറയ്ക്കണമെന്നാണ് കെപിസിസി പ്രസിഡണ്ട് മുല്ലപ്പള്ളി രാമചന്ദ്രന്റ നിലപാട്. പ്രതിപക്ഷ നേതാവ് രമേശ് ചെന്നിത്തല കോൺഗ്രസ് അദ്ധ്യക്ഷൻ രാഹുൽ ഗാന്ധിയുമായി ഇന്നലെ കൂടിക്കാഴ്ച്ച നടത്തിയിരുന്നു. ഡൽഹിയിലുണ്ടെങ്കിലും ഉമ്മൻ ചാണ്ടി ചർച്ചയിൽ പങ്കെടുക്കുന്നില്ല.