കെപിസിസി പുനസംഘടന; ചർച്ചയിൽ ധാരണയായില്ല

കെപിസിസി പുനസംഘടന തീരുമാനം നീളുന്നു. കെപിസിസി പ്രസിഡന്റ് മുല്ലപ്പള്ളി രാമചന്ദ്രനും പ്രതിപക്ഷ നേതാവ് രമേശ് ചെന്നിത്തലയും കേരളത്തിന്റെ ചുമതലയുള്ള എഐസിസി ജനറൽ സെക്രട്ടറി മുകുൾ വാസ്‌നിക്കുമായി നടത്തിയ ചർച്ചയിൽ ധാരണ ആയില്ല.ഭാരവാഹികളുടെ എണ്ണം പരമാവധി കുറയ്ക്കണം എന്നാണ് ഹൈക്കമാൻഡ് നിലപാട്. ഇതിനോട് എ ഐ ഗ്രൂപ്പുകൾ യോജിച്ചില്ല. സമ്പൂർണ്ണ അഴിച്ചുപണി ലോക്‌സഭാ തെരഞ്ഞെടുപ്പ് അടുത്ത സാഹചര്യത്തിൽ ഗുണം ചെയ്യില്ലെന്നാണ് ഇരുഗ്രൂപ്പുകളുടെയും വാദം.