ബിജു രാധാകൃഷ്ണന്‍ ഉമ്മന്‍ചാണ്ടിയുടെ വ്യാജ ലെറ്റര്‍പാഡ് തട്ടിപ്പിന് ഉപയോഗിച്ച കേസില്‍ വിധി ഇന്ന്

സോളാർ കേസ് പ്രതി ബിജു രാധാകൃഷ്ണൻ മുൻ മുഖ്യമന്ത്രി ഉമ്മൻ ചാണ്ടിയുടെ വ്യാജ ലെറ്റർപാഡ് തട്ടിപ്പിന് ഉപയോഗിച്ചെന്ന കേസിൽ വിധി ഇന്ന്. 2012 ലാണ് സംഭവം. തിരുവനന്തപുരം സ്വദേശി റാഫിക് അലിക്ക് കാറ്റാടി യന്ത്രങ്ങളുടെ ജില്ലയിലെ വിതരണാവകാശം നൽകാമെന്ന് ധരിപ്പിച്ച് 75 ലക്ഷം രൂപ തട്ടിയെന്നാണ് കേസ്. കേസിൽ 16 സാക്ഷികളുണ്ടായിരുന്നു. തിരുവനന്തപുരം ചീഫ് ജുഡീഷ്യൽ മജിസ്ട്രേറ്റ് കോടതിയാണ് വിധി പറയുക.