തമിഴ്‌നാട് ട്രാൻസ്‌പോർട്ട് ബസുകൾക്ക് പമ്പയിലേക്ക് സർവീസ് അനുമതി നൽകിയത് കെഎസ്ആർടിസിയെ ബാധിക്കും : ടോമിൻ തച്ചങ്കരി

തമിഴ്‌നാട് ട്രാൻസ്‌പോർട്ട് ബസുകൾക്ക് പമ്പയിലേക്ക് സർവീസ് അനുമതി നൽകിയത് കെഎസ്ആർടിസിയെ ബാധിക്കുമെന്ന് എംഡി ടോമിൻ തച്ചങ്കരി. ഇക്കാര്യത്തിലുള്ള അഭിപ്രായ വ്യത്യാസം ബന്ധപ്പെട്ടവരെ അറിയിച്ചിട്ടുണ്ട്.സാധാരണ ഗതിയിൽ പ്രധാന തീർഥാടന കേന്ദ്രങ്ങളിൽ എല്ലാം അതത് സംസ്ഥാനത്തെ പൊതു ഗതാഗത സംവിധാനങ്ങളാണ് ഉപയോഗിക്കാറ്. ഇപ്പോൾ ഒരു സംസ്ഥാനത്തിന് അനുമതി നൽകിയാൽ പിന്നീട് എല്ലാ സംസ്ഥാനങ്ങൾക്കും അനുമതി നൽകേണ്ടി വരുമെന്നും വരും വർഷങ്ങളിൽ ഇത് ഒഴിവാക്കാനുള്ള ശ്രമമുണ്ടാകുമെന്നും തച്ചങ്കരി വ്യക്തമാക്കി. മകര വിളക്കിനോടനുബന്ധിച്ച കെ എസ്ആർടിസിയുടെശബരിയിലെ ഒരുക്കങ്ങൾ നിരീക്ഷിക്കാനെത്തിയതായിരുന്നു കെ എസ്ആർടിസി എംഡി.