പിന്തുണ വെറുതേയല്ല ; മധ്യപ്രദേശില്‍ രണ്ട് മന്ത്രിസ്ഥാനം വേണമെന്ന് ബി എസ് പി

മധ്യപ്രദേശില്‍ ബി എസ് പിക്ക് രണ്ട് മന്ത്രി സ്ഥാനം നല്‍കണമെന്ന ആവശ്യവുമായി  ബി എസ് പി എം എല്‍ എ രമാഭായി അഹിര്‍വാര്‍. മധ്യപ്രദേശില്‍ കോണ്‍ഗ്രസ്സ് സര്‍ക്കാര്‍ രൂപീകരിച്ചത് ബി എസ് പി പിന്തുണയോടെയാണ് .അതിനാല്‍ വിജയിച്ച രണ്ട് എം എല്‍ മാര്‍ക്കും മന്ത്രിസ്ഥാനം നല്‍കാന്‍ മുഖ്യമന്ത്രി കമല്‍നാഥ് തയ്യാറാകണം.

ഇല്ലാത്ത പക്ഷം കമല്‍നാഥ് സര്‍ക്കാരിനുള്ള പിന്തുണ ബി എസ് പി പിന്‍വലിക്കുമെന്നും രമാഭായി വ്യക്തമാക്കി. കര്‍ണാടകത്തിലെ അവസ്ഥ മധ്യപ്രദേശില്‍ ഉണ്ടാക്കാന്‍ തങ്ങള്‍ ആഗ്രഹിക്കുന്നില്ലെന്നും ബി എസ് പി  എം എല്‍ എ മുന്നറിയിപ്പ് നല്‍കിയിട്ടുണ്ട്.