ധനമന്ത്രാലയത്തിന്റെ അധിക ചുമതല പിയൂഷ് ഗോയലിന്; ഇടക്കാല ബജറ്റ് അവതരിപ്പിച്ചേക്കും

കേന്ദ്ര ധനമന്ത്രാലയത്തിന്റെ താല്‍ക്കാലിക ചുമതല റെയില്‍വേ മന്ത്രി പിയൂഷ് ഗോയലിന് നല്‍കി. ധനമന്ത്രി അരുണ്‍ ജെയ്റ്റ്‌ലി അടിയന്തര ചികിത്സയ്ക്കു യുഎസിലേക്ക് പോയ സാഹചര്യത്തിലാണ് പിയൂഷ് ഗോയലിന് ധനമന്ത്രാലയത്തിന്റെ താല്‍ക്കാലിക ചുമതല നല്‍കിയിരിക്കുന്നത്. ഇതോടെ ഫെബ്രുവരി ഒന്നിന് എന്‍ഡിഎ സര്‍ക്കാരിന്റെ ഇടക്കാല ബജറ്റ് പിയൂഷ് ഗോയലാവും അവതരിപ്പിക്കുക. കഴിഞ്ഞ വര്‍ഷം വൃക്ക മാറ്റിവയ്ക്കല്‍ ശസ്ത്രക്രിയക്കു വേണ്ടി ജെയ്റ്റ്‌ലി നാല് മാസത്തോളം വിശ്രമത്തിലായപ്പോള്‍ ധനമന്ത്രാലയത്തിന്റെ ചുമതല ഗോയലിനായിരുന്നു.