മുകുൾ വാസ്‌നികിന്റെ രണ്ടാംഘട്ട ജില്ലാ പര്യടനം ഇന്ന് ആരംഭിക്കും

സംസ്ഥാനത്ത് കോൺഗ്രസിന്റെ ലോക്‌സഭാ തെരഞ്ഞെടുപ്പ് മുന്നൊരുക്കങ്ങൾ വിലയിരുത്താൻ ഹൈക്കമാന്റ് പ്രതിനിധി ഇന്ന് കേരളത്തിൽ. എഐസിസി ജനറൽ സെക്രട്ടറി മുകുൾ വാസ്‌നിക് രണ്ടാംഘട്ട ജില്ലാ പര്യടനം ഇന്ന് ആരംഭിക്കും. രാവിലെ 10ന് തിരുവനന്തപുരത്തും വൈകിട്ട് 3 ന് കൊല്ലത്തും ജില്ലാ നേതാക്കളുമായി ആശയ വിനിമയം നടത്തും. നാളെ രാവിലെ 10ന് പത്തനംതിട്ടയിലും വൈകിട്ട് 3ന് കോട്ടയത്തുമാണ് ചർച്ച. മറ്റന്നാൾ രാവിലെ 10 ന് ആലപ്പുഴയിലും വൈകിട്ട് 3ന് കൊച്ചിയിലും മുകുൾ വാസ്‌നിക് ജില്ലയിലെ പ്രധാന നേതാക്കളെ കാണും.