രാകേഷ് അസ്താനയുടെ നിയമനം ചോദ്യം ചെയ്തുള്ള ഹർജി സുപ്രീംകോടതി തള്ളി

രാകേഷ് അസ്താനയെ ബ്യൂറോ ഒാഫ് സിവിൽ ഏവിയേഷൻ സെക്യൂരിറ്റിയുടെ തലവനായി നിയമിച്ചതിനെ ചോദ്യം ചെയ്ത് നൽകിയ ഹർജി സുപ്രീംകോടതി തള്ളി. പരസ്പരം ബന്ധമില്ലാത്ത ആവശ്യങ്ങൾ ഹർജിയിൽ ഉൾപ്പെടുത്തിയതിനെ ചീഫ് ജസ്റ്റിസ് രഞ്ജൻ ​ഗോ​ഗൊയ് അധ്യക്ഷനായ ബെഞ്ച് വിമർശിച്ചു. രാകേഷ് അസ്താനയുടെ നിയമനത്തെ ചോദ്യം ചെയ്ത് അഭിഭാഷകനായ എം എൽ ശർമ്മയാണ് സുപ്രീംകോടതിയെ സമീപിച്ചത്.

സിബിഐയുടെ സ്പെഷ്യൽ ഡയറക്ടറായിരുന്ന രാകേഷ് അസ്താനയെ ബ്യൂറോ ഒാഫ് സിവിൽ ഏവിയേഷൻ തലവനായി ജനുവരി 17നാണ് നിയമിച്ചത്. സിബിഐ തലപ്പത്തെ തർക്കങ്ങളുടെ തുടർച്ചയായായിരുന്നു നടപടി. അസ്താനയെ കൂടാതെ ജോയിന്റ് സെക്രട്ടറി എ കെ ശർമ്മ, ഡിഐജി മനീഷ് കുമാർ സിൻഹ, എസ് പി ജയന്ത് ജെ നായ്ക്നാവരെ എന്നിവരേയും ചുമതലകളിൽ നിന്നും മാറ്റിയിരുന്നു.