കെഎസ്ആർടിസി എംഡിയായി എംപി ദിനേശ് നാളെ ചുമതലയേൽക്കും

കെഎസ്ആർടിസി എംഡിയായി ചുമതലയേൽക്കാൻ ഒരുങ്ങി കൊച്ചി സിറ്റി പോലീസ് കമ്മീഷണർ എം പി ദിനേശ്. നാളെ തിരുവനന്തപുരത്തെത്തി കെഎസ്ആർടിസിയുടെ ചുമതലയേറ്ററ്റടുക്കുമെന്ന് എം പി ദിനേശ് മാധ്യമങ്ങളോട് പറഞ്ഞു. യൂണിയൻ നേതാക്കളെ കൂടി പരിഗണിച്ചായിരിക്കും തന്റെ പ്രവർത്തനമെന്നും എം.പി ദിനേശ് പറഞ്ഞു.

കഴിഞ്ഞ ദിവസമാണ് ടോമിൻ തച്ചങ്കരിയെ കെഎസ്ാർടിസി എംഡി സ്ഥാനത്ത് നിന്നും നീക്കുന്നത്. മന്ത്രിസഭാ യോഗത്തിലാണ് തീരുമാനമുണ്ടായത്. അതേസമയം, തീരുമാനത്തിന് പിന്നിൽ യൂണിയനുകളുടെ സമ്മർദ്ദമാണ് തട്ടങ്കരി പറഞ്ഞു. തന്നെ മാറ്റാൻ ബോർഡിലെ രണ്ട് പേർ ആവശ്യപ്പെട്ടു. യൂണിയൻ നേതാവ് രാജി ഭീഷണി മുഴക്കിയെന്നും തച്ചങ്കരി 24 നോട് പറഞ്ഞു. പൊതുമേഖലാ സ്ഥാപനങ്ങളുടെ എക്കാലത്തെയും ശാപമാണ് യൂണിയനിസമെന്നും അദ്ദേഹം കൂട്ടിച്ചേർത്തു.