കനകദുര്‍ഗ വീട്ടിലെത്തി; ഭര്‍ത്താവും അമ്മയും താമസം മാറി

കോടതി ഉത്തരവിനെ തുടര്‍ന്ന് കനകദുര്‍ഗ മലപ്പുറം അങ്ങാടിപ്പുറത്ത് ഭര്‍ത്താവിന്റെ വീട്ടിലെത്തി. എന്നാല്‍ കനകദുര്‍ഗ എത്തും മുമ്പേ ഭര്‍ത്താവ് കുട്ടികളെയും അമ്മയെയും കൂട്ടി വീടു വിട്ടിറങ്ങി. ശബരിമല ദര്‍ശനം നടത്തിയതിനെ തുടര്‍ന്ന് വീട്ടില്‍ കയറാന്‍ സാധിക്കാതിരുന്ന കനകദുര്‍ഗ പുലാമന്തോള്‍ ഗ്രാമകോടതിയുടെ നിര്‍ദേശപ്രകാരമാണ് രാത്രിയോടെ വീട്ടിലെത്തിയത്.

എന്നാല്‍ കനകദുര്‍ഗ്ഗ എത്തുമെന്നറിഞ്ഞതോടെ ഭര്‍ത്താവ് വീടുപൂട്ടി പോകുകയായിരുന്നു. പോലീസെത്തി വാതില്‍ തുറന്നാണ് കനകദുര്‍ഗ്ഗയെ അകത്തു പ്രവേശിപ്പിച്ചത്. പ്രശ്‌നങ്ങളെല്ലാം പരിഹരിക്കപ്പെടുമെന്നാണ് പ്രതീക്ഷയെന്ന് കനകദുര്‍ഗ മാധ്യമങ്ങളോട് പറഞ്ഞു.