ദേവസ്വം ബോർഡ് നിർണ്ണായക യോഗം ഇന്ന് തിരുവനന്തപുരത്ത്

ശബരിമല യുവതീ പ്രവേശനവുമായി ബന്ധപ്പെട്ട ഹർജികൾ സുപ്രീം കോടതി ഇന്ന് പരിഗണിക്കുന്ന സാഹചര്യത്തിൽ ദേവസ്വം ബോർഡ് നിർണ്ണായക യോഗം തിരുവനന്തപുരത്ത് .പുനഃപരിശോധനാ ഹർജികളും റിട്ട് ഹർജികളും ദേവസ്വം ബോർഡ് നൽകിയ സാവകാശ ഹര്‍ജികളുമാണ് കോടതി പരിഗണിക്കുന്നത്.തന്ത്രിക്കും മറ്റുമെതിരെയുള്ള 2 കോടതിയലക്ഷ്യ ഹർജികളും സുപ്രീംകോടതിയിലുണ്ട്.
തന്ത്രിക്കെതിരായുള്ള കോടതിയലക്ഷ്യ കേസ് പരിഗണിക്കുമ്പോൾ കോടതി ദേവസ്വം ബോർഡിന്റെ നിലപാട് തേടിയേക്കും.
ശുദ്ധി ക്രിയയുമായി ബന്ധപ്പെട്ടുള്ള തന്ത്രിയുടെ മറുപടി ഇന്ന് നടക്കുന്ന ദേവസ്വം ബോർഡ് യോഗത്തിൽ പരിഗണിക്കുമെന്നാണ് സൂചന.തന്ത്രിയുടെ വിശദീകരണ കത്ത് ചോർന്ന സംഭവത്തിൽ ഇന്നലെ ദേവസ്വം ബോർഡ് അന്വേഷണം പ്രഖ്യാപിച്ചിരുന്നു.