ഗാസയിൽ ഇസ്രായേൽ വ്യോമാക്രമണം തുടങ്ങി

ഗാസയിൽ ഇസ്രായേൽ സൈന്യം വ്യോമാക്രമണം തുടങ്ങി. വടക്കൻ ഗാസയിലാണ് ആക്രമണമുണ്ടായത്. ഹമാസ് കേന്ദ്രങ്ങൾക്ക് നേരെയാണ് ആക്രമണം നടത്തിയതെന്ന് ഇസ്രായേൽ അവകാശപ്പെട്ടു.

ഇസ്രായേൽ ആക്രമണത്തിന്റെ പശ്ചാത്തലത്തിൽ ആവശ്യമായ മുൻ കരുതലുകളെടുക്കാൻ ഗാസ ആരോഗ്യമന്ത്രാലയം ജനങ്ങൾക്ക് മുന്നറിയിപ്പ് നൽകിയിട്ടുണ്ട്. ഗാസ അതിർത്തിയിൽ 40 കിലോമീറ്റർ പരിധിയിൽ ഇസ്രായേലും സമാനമായ മുന്നറിയിപ്പ് പൗരന്മാർക്ക് നൽകിയിട്ടുണ്ട്.

തെൽഅവീവിൽ ഗാസയിൽ നിന്നുണ്ടായ റോക്കറ്റ് ആക്രമണത്തിൽ ഒരു കുടുംബത്തിലെ ഏഴ് പേർക്ക് പരിക്കേറ്റിരുന്നു. ഇതിന് പിന്നാലെയാണ് ഇസ്രഈൽ നീക്കം. ആക്രമണത്തിന് പിന്നിൽ ഹമാസാണെന്ന് ഇസ്രായേൽ ആരോപിച്ചിരുന്നു.