ജമ്മു കാശ്മീരിലെ അതിർത്തി വ്യാപാരം കേന്ദ്ര ആഭ്യന്തരമന്ത്രാലയം വിലക്കി

ജമ്മു കാശ്മീരിലെ അതിർത്തി വ്യാപാരത്തിന് വിലക്ക് ഏർപ്പെടുത്തി. നാളെ മുതലാണ് വിലക്ക്. നിയന്ത്രണ രേഖയിലെ വ്യാപാര പാത  പാക്കിസ്ഥാൻ  ദുരുപയോഗം ചെയ്യുന്നതായി കണ്ടെത്തിയതിനെ തുടർന്നാണ് കേന്ദ്ര ആഭ്യന്തര മന്ത്രാലയത്തിന്റെ നടപടി.ജമ്മു കാശ്മീരിലെ നിയന്ത്രണ രേഖയിലെ പാത വഴി നടന്നിരുന്ന വ്യാപാരമാണ് നിർത്തിവെയ്ക്കാൻ നിർദേശം നൽകിയിരിക്കുന്നത്. വ്യാപാരത്തിന്റെ മറവിൽ പാക്കിസ്ഥാൻ ആയുധങ്ങളും മയക്കുമരുന്നും കടത്തുന്നതായുള്ള റിപ്പോർട്ടിനെ തുടർന്നാണ് വിലക്കെന്നാണ് ആഭ്യന്തര മന്ത്രാലയം അറിയിച്ചിരിക്കുന്നത്.