ഐഎൻഎസ് വിക്രമാദിത്യയിൽ തീ പിടുത്തം; നാവികസേന ഉദ്യോഗസ്ഥൻ മരിച്ചു
ഇന്ത്യയുടെ വിമാനവാഹിനി യുദ്ധകപ്പലായ ഐഎൻഎസ് വിക്രമാദിത്യയിലുണ്ടായ തീപിടുത്തത്തിൽ നാവികസേന ഉദ്യോഗസ്ഥൻ മരിച്ചു. തീ അണയ്ക്കാനുള്ള ശ്രമത്തിനിടെ പുക ശ്വസിച്ച് ലഫ്.കമാൻഡർ ഡി.എസ് ചൗഹാനാണ് മരിച്ചത്. പുക ശ്വസിച്ച് ബോധരഹിതനായ ഇദ്ദേഹത്തെ ഉടൻ തന്നെ ആശുപത്രിയിലെത്തിച്ചെങ്കിലും രക്ഷിക്കാനായില്ലെന്നും തീ പിടുത്തം നിയന്ത്രണ വിധേയമായതായും നാവികസേനാ വൃത്തങ്ങൾ അറിയിച്ചു.
Indian Navy: One officer dead during fire fighting ops onboard aircraft carrier INS Vikramaditya in Karwar, Karnataka. Navy has ordered a Board of Inquiry to probe the incident. Fire was controlled by its crew preventing any serious damage to the warship’s combat capability. pic.twitter.com/gkO0XfglXm
— ANI (@ANI) 26 April 2019
കർണാടകയിലെ കാർവാർ തുറമുഖത്തേക്കുള്ള യാത്രയ്ക്കിടെയാണ് തീ പിടുത്തമുണ്ടായത്. കപ്പലിന് കാര്യമായ കേടുപാടുകളൊന്നും സംഭവിച്ചിട്ടില്ലെന്നും സംഭവത്തിൽ അന്വേഷണം ആരംഭിച്ചതായും നാവികസേന അറിയിച്ചു. 2013 ലാണ് ഐഎൻഎസ് വിക്രമാദിത്യ ഇന്ത്യൻ നാവികസേനയുടെ ഭാഗമായത്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
