ബാബരി മസ്ജിദ് തകർത്തതിൽ അഭിമാനമെന്ന പരാമർശം; പ്ര​ജ്ഞാ സിം​ഗി​ന് വിലക്ക്

മാ​ലേ​ഗാ​വ് സ്ഫോ​ട​ന​ക്കേ​സ് പ്ര​തി​യും ഭോ​പ്പാ​ലി​ലെ ബി​ജെ​പി സ്ഥാ​നാ​ർ​ഥി​യു​മാ​യ പ്ര​ജ്ഞാ സിം​ഗ് താ​ക്കൂ​റി​ന് തെ​ര​ഞ്ഞെ​ടു​പ്പ് ക​മ്മീ​ഷ​ന്‍റെ വി​ല​ക്ക്. 72 മ​ണി​ക്കൂ​ർ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ൽ​നി​ന്നാ​ണ് പ്ര​ജ്ഞ​യെ ക​മ്മീ​ഷ​ൻ വി​ല​ക്കി​യ​ത്. ബാ​ബ​റി മ​സ്ജി​ദ് വി​ഷ​യ​ത്തി​ൽ ന​ട​ത്തി​യ വി​വാ​ദ പ​രാ​മ​ർ​ശ​ത്തി​ന്‍റെ പേ​രി​ലാ​ണു വി​ല​ക്ക്.

ബാ​ബ​റി മ​സ്ജി​ദ് ത​ക​ർ​ത്ത​തി​ൽ ത​നി​ക്ക് ഖേ​ദ​മി​ല്ലെ​ന്നും അ​തി​ൽ അ​ഭി​മാ​നി​ക്കു​ന്നു​വെ​ന്നു​മാ​യി​രു​ന്നു പ്ര​ജ്ഞാ സിം​ഗി​ന്‍റെ പ്ര​സ്താ​വ​ന. ബാ​ബ​റി മ​സ്ജി​ദ് ത​ക​ർ​ത്ത​തി​ൽ എ​ന്തി​ന് നാം ​പ​ശ്ചാ​ത്ത​പി​ക്ക​ണം വാ​സ്ത​വ​ത്തി​ൽ ഞ​ങ്ങ​ൾ അ​തി​ൽ അ​ഭി​മാ​നി​ക്കു​ക​യാ​ണ്. രാ​മ​ക്ഷേ​ത്ര​ത്തി​ൽ ചി​ല മാ​ലി​ന്യ​ങ്ങ​ൾ ഉ​ണ്ടാ​യി​രു​ന്നു. ത​ങ്ങ​ള​ത് നീ​ക്കം ചെ​യ്തു. ശ്രേ​ഷ്ഠ​മാ​യ ഒ​രു രാ​മ​ക്ഷേ​ത്രം അ​വി​ടെ പ​ടു​ത്തു​യ​ർ​ത്തും. ഇ​ത് ന​മ്മു​ടെ രാ​ജ്യ​ത്തി​ന്‍റെ ആ​ത്മാ​ഭി​മാ​ന​ത്തെ ഉ​യ​ർ​ത്തു​മെ​ന്നും അ​ഭി​മു​ഖ​ത്തി​ൽ പ്ര​ജ്ഞാ സിം​ഗ് പ​റ​ഞ്ഞു.

രാ​ജ്യ​ത്തി​ന്‍റെ ആ​ത്മാ​ഭി​മാ​ന​ത്തി​നാ​യി ഹി​ന്ദു​ക്ക​ൾ ഉ​ണ​ർ​ന്ന​താ​ണ് ബാ​ബ​റി മ​സ്ജി​ദി​ന്‍റെ ത​ക​ർ​ച്ച​യ്ക്കു കാ​ര​ണ​മെ​ന്നും അ​വ​ർ കൂ​ട്ടി​ച്ചേ​ർ​ത്തു. ഈ ​രാ​ജ്യ​ത്ത​ല്ലാ​തെ വേ​റെ എ​വി​ടെ​യാ​ണ് രാ​മ​ക്ഷേ​ത്രം നി​ർ​മി​ക്കു​ക എ​ന്നും പ്ര​ജ്ഞാ സിം​ഗ് ചോ​ദി​ച്ചു. ഇ​ത് പെ​രു​മാ​റ്റ​ച്ച​ട്ട​ത്തി​ന്‍റെ ലം​ഘ​ന​മാ​ണെ​ന്നു വി​ധി​ച്ചാ​ണു തെ​ര​ഞ്ഞെ​ടു​പ്പ് ക​മ്മീ​ഷ​ന്‍റെ ന​ട​പ​ടി.

നേ​ര​ത്തെ, വി​ഷ​യ​ത്തി​ൽ തെ​ര​ഞ്ഞെ​ടു​പ്പ് ക​മ്മീ​ഷ​ൻ വി​ശ​ദീ​ക​ര​ണം തേ​ടി​യി​രു​ന്നെ​ങ്കി​ലും ത​ന്‍റെ പ​രാ​മ​ർ​ശം അ​ട​ർ​ത്തി​മാ​റ്റി ഉ​പ​യോ​ഗി​ച്ചു എ​ന്നാ​യി​രു​ന്നു അ​വ​രു​ടെ നി​ല​പാ​ട്. വി​വാ​ദ പ​രാ​മ​ർ​ശ​ത്തി​ൽ പ്ര​ജ്ഞ​യ്ക്കെ​തി​രേ പോ​ലീ​സ് കേ​സ് ര​ജി​സ്റ്റ​ർ ചെ​യ്തി​രു​ന്നു.

മും​ബൈ ഭീ​ക​രാ​ക്ര​മ​ണ​ത്തി​ൽ കൊ​ല്ല​പ്പെ​ട്ട മ​ഹാ​രാ​ഷ്ട്ര എ​ടി​എ​സ് ത​ല​വ​ൻ ഹേ​മ​ന്ദ് ക​ർ​ക്ക​റെ​യ്ക്കെ​തി​രേ​യും നേ​ര​ത്തെ പ്ര​ജ്ഞാ സിം​ഗ് രംഗത്ത് വന്നിരുന്നു. ക​ർ​ക്ക​റ​യെ താ​ൻ ശ​പി​ച്ചു​കൊ​ന്ന​താ​ണെ​ന്നാ​ണ് പ്ര​ജ്ഞാ സിം​ഗ് പ​റ​ഞ്ഞ​ത്. മാ​ലേ​ഗാ​വ് സ്ഫോ​ട​ന​ക്കേ​സി​ൽ പ്ര​ജ്ഞാ സിം​ഗി​നെ​തി​രെ കേ​സെ​ടു​ത്ത​ത് ക​ർ​ക്ക​റെ​യാ​യി​രു​ന്നു. ക​ർ​ക്ക​റെ​യ്ക്കെ​തി​രാ​യ വി​വാ​ദ​പ​രാ​മ​ർ​ശ​ന​ത്തി​ന് അ​വ​ർ മാ​പ്പ് പ​റ​ഞ്ഞിരുന്നു.

ഭോ​പ്പാ​ലി​ൽ മു​തി​ർ​ന്ന കോ​ണ്‍​ഗ്ര​സ് നേ​താ​വ് ദി​ഗ് വി​ജ​യ് സിം​ഗി​നെ​തി​രേ​യാ​ണ് പ്ര​ജ്ഞ മ​ത്സ​രി​ക്കു​ന്ന​ത്. മു​പ്പ​തു​വ​ർ​ഷ​മാ​യി ബി​ജെ​പി മാ​ത്ര​മാ​ണ് ഭോ​പ്പാ​ലി​ൽ ജ​യി​ച്ചു​വ​രു​ന്ന​ത്.