മിനി സ്കർട്ട് ധരിച്ച പെൺകുട്ടികളെ ബലാത്സംഗം ചെയ്യണമെന്നാവശ്യപ്പെട്ട സ്ത്രീയുടെ പഴയ ചിത്രം വൈറൽ

മിനി സ്കർട്ട് ധരിച്ച പെൺകുട്ടികളെ ബലാത്സംഗം ചെയ്യാൻ പുരുഷന്മാരോട് ആവശ്യപ്പെട്ട സ്ത്രീയുടെ പഴയ ഇൻസ്റ്റഗ്രാം ചിത്രം വൈറലാവുന്നു. ഇറക്കം കുറഞ്ഞ വസ്ത്രം ധരിച്ച് നിൽക്കുന്ന ഇവരുടെ ചിത്രമാണ് വൈറലാവുന്നത്. ഇവരുടെ വീഡിയോ സോഷ്യൽ മീഡിയയിൽ വൈറലായതിനു പിന്നാലെ ആരോ പഴയ ചിത്രം കുത്തിപ്പൊക്കുകയായിരുന്നു.

ഡൽഹിയിലെ ഒരു റസ്റ്റോറൻ്റിൽ വെച്ചായിരുന്നു സ്ത്രീ പെൺകുട്ടികളെ ബലാത്സംഗം ചെയ്യാൻ പുരുഷന്മാരോട് ആവശ്യപ്പെട്ടത്. ഇവരെ പിന്തുടർന്ന് ഒരു ഷോപ്പിംഗ് മാളിലെത്തിയ പെൺകുട്ടികൾ ഇവരുടെ പ്രതികരണം വീഡിയോയിൽ പകർത്തിയിരുന്നു. തങ്ങളെ അപകീര്‍ത്തിപ്പെടുത്തിയതിന് മാപ്പുപറയാന്‍ പെണ്‍കുട്ടികള്‍ ആവര്‍ത്തിച്ച് ആവശ്യപ്പെടുന്നത് വീഡിയോയില്‍ കാണാം. എന്നാല്‍ പെണ്‍കുട്ടികളുടെ ആവശ്യം അവഗണിച്ച് സ്ത്രീ മുന്നോട്ടുപോകുന്നു. പെണ്‍കുട്ടികളുടെ ചോദ്യം ചെയ്യലില്‍ അസ്വസ്ഥയായ സ്ത്രീ പൊലീസിനെ വിളിക്കുമെന്ന് പറഞ്ഞ് ഇവരെ ഭീഷണിപ്പെടുത്തുന്നുണ്ട്.