‘സ്റ്റാര്‍ വാര്‍സ് ‘ ലെ ചുബാക്കാ അന്തരിച്ചു

‘സ്റ്റാര്‍ വാര്‍സ് ‘ ലെ ചുബാക്കാ എന്ന കഥാപാത്രത്തെ അവതരിപ്പിച്ച പീറ്റര്‍ മേഹ്യൂ (74 ) ചൊവ്വാഴ്ച അന്തരിച്ചു . ടെക്‌സസിലെ വസതിയില്‍ വച്ചായിരുന്നു അന്ത്യം. 1977 മുതല്‍ 2015 വരെ ‘സ്റ്റാര്‍ വാര്‍സ്’ എന്ന വെബ് സീരീസിലൂടെ ചുബാക്കാ എന്ന കഥാപാത്രത്തെ അവതരിപ്പിച്ച പീറ്റര്‍ മേഹ്യു, രോമാവൃതമായ കഥാപാത്രത്തിലൂടെ വളരെ വേഗം പ്രേഷകരുടെ മനസ്സില്‍ ഇടം പിടിച്ചു.

6 അടി 6 ഇഞ്ച് ഉള്ള ഡേവിഡ് പ്രോസിനെയാണ് സംവിധായകന്‍ ജോര്‍ജ് ലൂക്കാസ് ചുബാക്കാ കഥാപാത്രമായി തീരുമാനിച്ചിരുന്നത്. പിന്നീട് ഡാര്‍ത്ത് വേഡര്‍ കഥാപാത്രത്തിലേക്ക് പ്രോസിനെ മാറ്റുകയായിരുന്നു. ഇതിനുശേഷമാണ് 7 അടി 2 ഇഞ്ച് ഉള്ള മേഹ്യൂവിലേക്ക് എത്തിച്ചേര്‍ന്നത്. അങ്ങനെ വീല്‍ച്ചെയര്‍ ബന്ധിതനായ മേഹ്യൂ ഉയരമുള്ള ചുബാക്കാ കഥാപാത്രമായി മാറുകയായിരുന്നു എന്ന് അദ്ദേഹത്തിന്റെ കുടുംബം പറയുന്നു.

മേഹ്യൂവിനുശേഷം ജോനാസ് സോടാമോ ആണ് 2017 ല്‍ ഇറങ്ങിയ ‘ദി ലാസ്‌റ് ജെഡി ‘ ല്‍ ചുബാക്കായായാത്. സാമൂഹ്യ സേവനത്തില്‍ തല്‍പരനായിരുന്ന മേഹ്യൂ വെന്‍സ്വേലയിലെ കുട്ടികള്‍ക്ക് ഭക്ഷണവും ഇതര സാധനങ്ങളും എത്തിച്ചുകൊടുക്കുന്ന സംഘടനാ സ്ഥാപിച്ചിരുന്നു. ജൂണ്‍ 29 ന് കുടുംബ സുഹൃത്തുക്കള്‍ക്കും ഡിസംബറില്‍ ആരാധകര്‍ക്കുമായി മെമ്മോറിയല്‍ ഏര്‍പ്പെടുത്തിയിട്ടുണ്ടെന്ന് കുടുംബം അറിയിച്ചു. ഭാര്യ ആന്‍ജിയും മൂന്നു മക്കളും അടങ്ങിയതാണ് മേഹ്യൂവിന്റെ കുടുംബം.