ഡൽഹിയിലെ മുതിർന്ന കോൺഗ്രസ് നേതാവ് രാജ് കുമാർ ചൗഹാൻ ബിജെപിയിൽ ചേർന്നു

ഡൽഹി മുൻമന്ത്രിയും മുതിർന്ന കോൺഗ്രസ് നേതാവുമായ രാജ് കുമാർ ചൗഹാൻ ബിജെപിയിൽ ചേർന്നു. നാലു തവണ കോൺഗ്രസിന്റെ എംഎൽഎയായിരുന്ന രാജ് കുമാർ ചൗഹാൻ ഒരു തവണ മന്ത്രിസഭയിലും അംഗമായിട്ടുണ്ട്. ഡൽഹി ബിജെപി അധ്യക്ഷൻ മനോജ് തിവാരിയുടെ നേതൃത്വത്തിലാണ് ഇദ്ദേഹത്തിന് ബിജെപി അംഗത്വം നൽകിയത്. കോൺഗ്രസ് ഡൽഹി അധ്യക്ഷ ഷീല ദീക്ഷിതിന്റെ തീരുമാനങ്ങൾ ശരിയല്ലെന്ന് ബിജെപിയിൽ ചേർന്ന ശേഷം രാജ് കുമാർ
ചൗഹാൻ മാധ്യമങ്ങളോട് പ്രതികരിച്ചു.