ഭീകരാക്രമണം; പൈപ്പ് ലൈനുകളുടെ കേടുപാടുകൾ തീർത്ത് എണ്ണ വിതരണം ആരംഭിച്ചതായി സൗദി

സൗദിയിൽ ഭീകരാക്രമണത്തിൽ തകർന്ന എണ്ണ പൈപ്പ്‌ ലൈനുകളുടെ കേടുപാടുകൾ തീർത്ത്  എണ്ണ വിതരണം പുനരാരംഭിച്ചതായി അധികൃതർ അറിയിച്ചു. ഭീകരാക്രമണത്തെ തുടർന്ന് ഭാഗികമായി നിർത്തി വെച്ചിരുന്ന സൗദിയിലെ എണ്ണ വിതരണം പുനരാരംഭിച്ചതായി സൗദി അരാംകോയാണ് അറിയിച്ചത്.

ചൊവ്വാഴ്ച രാവിലെയാണ് സൗദിയിലെ ദവാദ്മിയിലും അഫീഫിലും എണ്ണ പമ്പിംഗ് സ്റ്റേഷനുകൾക്ക് നേരെ ഹൂതി ഭീകരവാദികളുടെ ഡ്രോൺ ആക്രമണം ഉണ്ടായത്. കിഴക്കൻ പ്രവിശ്യയിൽ നിന്നും പടിഞ്ഞാറൻ പ്രവിശ്യയിലെ യാമ്പു പോർട്ടിലേക്കുള്ള 1200 കിലോമീറ്റർ നീളമുള്ള എണ്ണ പൈപ്പ് ലൈനുകൾക്ക് നേരെയായിരുന്നു ആക്രമണം.