യുഡിഎഫ് യോഗം ഇന്ന് തിരുവനന്തപുരത്ത്

യുഡിഎഫ് യോഗം ഇന്ന് തിരുവനന്തപുരത്ത് ചേരും. നിയമസഭാ സമ്മേളനം ഇന്നാരംഭിക്കുന്ന പശ്ചാത്തലത്തിൽ കൂടിയാണ് മുന്നണി യോഗം. നിയമസഭയിൽ സർക്കാരിനെതിരെ സ്വീകരിക്കേണ്ട നിലപാടുകൾക്ക് യോഗം രൂപം നൽകും. സഭക്ക് പുറത്ത് സർക്കാരിനെതിരായ സമരപരിപാടികളും യോഗത്തിൽ ചർച്ചയാകും.

ലോക്‌സഭാ തെരഞ്ഞെടുപ്പിൽ കൈവരിച്ച വിജയം മുന്നണിക്ക് കൂടുതൽ ആത്മവിശ്വാസം പകർന്നിട്ടുണ്ട്. പ്രതിപക്ഷമെന്ന നിലയിൽ കരുത്താർജ്ജിച്ച മുന്നണിയെ കൂടുതൽ ശക്തിപ്പെടുത്തുന്ന ചർച്ചകളും യോഗത്തിലുണ്ടാകും. കേരളാ കോൺഗ്രസ്സ് എമ്മിലെ അധികാരത്തർക്കങ്ങളുമായി ബന്ധപ്പെട്ട പ്രശ്‌ന പരിഹാരത്തിന് അനൗപചാരിക ഇടപെടലുകളും മുന്നണി നേതൃത്വം നടത്തിയേക്കും.