ശബരിമലയിലെ രാഷ്ട്രീയ നിലപാട് എല്ലാവരെയും ബോധ്യപ്പെടുത്താൻ കഴിഞ്ഞില്ലെന്ന് എ.വിജയരാഘവൻ

ശബരിമല വിഷയത്തിലെ നിലപാടാണ് വോട്ട് നഷ്ടപ്പെടുത്തിയതെന്ന് പറയാൻ കഴിയില്ലെന്ന് എൽഡിഎഫ് കൺവീനർ എ.വിജയരാഘവൻ. ശബരിമലയുമായി ബന്ധപ്പെട്ട് ശരിയായ രാഷ്ട്രീയ നിലപാട് തന്നെയാണ് എടുത്തത്. എന്നാൽ എല്ലാവരെയും അത് ബോധ്യപ്പെടുത്താൻ കഴിഞ്ഞില്ല. അത് തിരിച്ചടി ആയിട്ടുണ്ടോയെന്ന് പരിശോധിക്കും. രമ്യാ ഹരിദാസിനെതിരെ താൻ മോശം പരാമർശം നടത്തിയെന്നു പറയുന്നവർ മുഴുവൻ പ്രസംഗവും കേൾക്കണമെന്നും വിജയരാഘവൻ പറഞ്ഞു.