പെരിന്തൽമണ്ണയിൽ പനി ബാധിച്ച് യുവതി മരിച്ചു; നിപയല്ലെന്ന് പ്രാഥമിക നിഗമനം

മലപ്പുറം പെരിന്തൽമണ്ണയിൽ വൈറൽ പനി ബാധിച്ച് യുവതി മരിച്ചു. ആന്ധ്ര കുർണൂൽ സ്വദേശിനി സബീന പർവിൻ (35) ആണ് പെരിന്തൽമണ്ണയിലെ സ്വകാര്യ ആശുപത്രിയിൽ മരിച്ചത്. വൈറസ് തിരിച്ചറിയാൻ സാമ്പിൾ ആലപ്പുഴയിലെ വൈറോളജി ഇൻസ്റ്റിറ്റ്യൂട്ടിലേക്ക് പരിശോധനക്കയച്ചു. നിപ ബാധയല്ലെന്നാണ് പ്രാഥമിക നിഗമനം.

അലിഗഡ് മുസ്ലിം യൂണിവേഴ്‌സിറ്റിയിലെ അസിസ്റ്റന്റ് പ്രൊഫസർ ഡോ സൈദ് ഹയാത്ത് ബാഷയുടെ ഭാര്യയാണ്. ഒന്നര വയസുള്ള ഒരു മകളുണ്ട്.