ലയൺസ് മീഡിയ അവാർഡ് ട്വന്റിഫോർ ന്യൂസ് എഡിറ്റർ ദീപക് ധർമ്മടത്തിന്

ലയൺസ് മീഡിയ അവാർഡ് ട്വന്റിഫോർ ന്യൂസ് എഡിറ്റർ ദീപക് ധർമ്മടത്തിന്. ട്വന്റിഫോർ പുറത്തു കൊണ്ടുവന്ന മാഹി മദ്യ ലോബിയുടെ ചട്ട ലംഘനവും മാഹിയിൽ നിന്നും മദ്യം കേരളത്തിലേക്ക് കടത്തുന്നതും സംബന്ധിച്ച അന്വേഷണ പരമ്പരയാണ് അവാർഡിന് പരിഗണിച്ചത്. 10000 രൂപയും ശിൽപവും അടങ്ങുന്നതാണ് പുരസ്‌കാരം. ശനിയാഴ്ച തലശ്ശേരിയിൽ നടക്കുന്ന ചടങ്ങിൽ അവാർഡ് വിതരണം ചെയ്യും.

ട്വന്റിഫോർ വാർത്തയെ തുടർന്ന് കേരള, പോണ്ടിച്ചേരി സർക്കാരുകൾ നടപടി സ്വീകരിച്ചിരുന്നു. മന്ത്രി ടി പി രാമകൃഷ്ണൻ ചെക്ക്‌പോസ്റ്റിൽ നേരിട്ട് മിന്നൽ പരിശോധനവരെ നടത്തി. വാർത്ത സമൂഹത്തിൽ മികച്ച ഇടപെടലുണ്ടാക്കി എന്ന് ചൂണ്ടിക്കാട്ടിയാണ് അവാർഡ് നൽകുന്നതെന്ന് ലയൺസ് ഭാരവാഹികൾ തലശ്ശേരിയിൽ വാർത്താ സമ്മേളനത്തിൽ പറഞ്ഞു.