പോലീസിനു വിവരം നൽകി; ആലപ്പുഴയിൽ പതിനേഴുകാരനെ കഞ്ചാവ് മാഫിയ വീട്ടിൽക്കയറി വെട്ടി
പോലീസിനു വിവരം നൽകിയെന്നാരോപിച്ച് കഞ്ചാവ് മാഫിയ പതിനേഴുകാരനെ ക്രൂരമായി വെട്ടിപ്പരിക്കേല്പ്പിച്ചു. തിങ്കളാഴ്ച അര്ധരാത്രിയിൽ ആലപ്പുഴ കൃഷ്ണപുരത്തായിരുന്നു സംഭവം. അമ്മ നോക്കിനിൽക്കെയാണ് പതിനഞ്ചിലധികം വരുന്ന സംഘം വിദ്യാർഥിയായ പതിനേഴുകാരനെ വടിവാളിന് വെട്ടിപ്പരിക്കേല്പ്പിച്ചത്. ഗുരുതര പരിക്കേറ്റ വിദ്യാർഥിയെ വണ്ടാനം മെഡിക്കല് കോളജ് ആശുപത്രിയില് പ്രവേശിപ്പിച്ചു.
കൈകളിലും ഇടതുകാലിലും പുറത്തും വെട്ടി. രണ്ടു പേർ പിടിച്ചുനിർത്തിയാണ് പുറത്ത് വെട്ടിയത്. മൂത്ത സഹോദരൻ കഞ്ചാവ് സംഘത്തെക്കുറിച്ച് പോലീസിൽ വിവരം നൽകിയ കാരണത്താലായിരുന്നു ആക്രമണം. വീടന്വേഷിച്ചെത്തിയ സംഘത്തിന് മുന്നില്പ്പെട്ട ഇളയസഹോദരനെ വെട്ടുകയായിരുന്നു. കായംകുളം പോലീസ് എത്തിയാണ് വിദ്യാര്ഥിയെ ആശുപത്രിയില് എത്തിച്ചത്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here