പാളയം മീൻ മാർക്കറ്റിൽ ഫുഡ് സേഫ്റ്റി വകുപ്പിന്റെ പരിശോധനക്കിടെ വാക്കുതർക്കം; വിൽപനക്കാർ ഉദ്യോഗസ്ഥരെ തടഞ്ഞു

തിരുവനന്തപുരം പാളയം മീൻ മാർക്കറ്റിൽ ഫുഡ് സേഫ്റ്റി വകുപ്പിന്റെ പരിശോധനക്കിടെ വാക്കുതർക്കം. വിൽപനക്കാർ ഉദ്യോഗസ്ഥരെ തടഞ്ഞതാണ് വാക്കുതർക്കത്തിനിടയാക്കിയത്. പഴകിയ മീനാണെന്ന് ആരോപിച്ച് നല്ല മീനുകളും ഉദ്യോഗസ്ഥർ പിടിച്ചെടുത്തെന്നാണ് ആരോപണം. അതേസമയം, പരിശോധനയ്ക്കിടെ പുഴുവരിച്ച മത്സ്യം ഉദ്യോഗസ്ഥർ പിടിച്ചെടുത്തു. രണ്ടാഴ്ചയിലേറെ പഴക്കുള്ള മീനുകളാണ് പാളയം മാർക്കറ്റിൽ നിന്ന് പിടിച്ചെടുത്തത്.

ട്രോളിംഗ് നിരോധനം നിലനിൽക്കുന്നതിനിടെ മാർക്കറ്റുകളിൽ പഴകിയ മീനുകൾ വിൽക്കുന്നുണ്ടെന്ന പരാതിയെ തുടർന്നാണ് ഭക്ഷ്യസുരക്ഷാ വിഭാഗം തിങ്കളാഴ്ച മിന്നൽ പരിശോധന നടത്തിയത്. വരും ദിവസങ്ങളിലും പരിശോധന തുടരുമെന്നും അധികൃതർ അറിയിച്ചു.