യുഎഇ യിലെ ഏറ്റവും വലിയ വാഹന പരിശോധന-രജിസ്‌ട്രേഷൻ കേന്ദ്രം റാസൽഖൈമയിൽ ഒരുങ്ങുന്നു

യുഎഇ യിലെ ഏറ്റവും വലിയ വാഹന പരിശോധന – രജിസ്‌ട്രേഷൻ കേന്ദ്രം റാസൽഖൈമയിൽ ഒരുങ്ങുന്നു. രണ്ട് മാസത്തിനുള്ളിൽ നിർമ്മാണം പൂർത്തിയാക്കും. ആയിരം വാഹനങ്ങളെ ഉൾക്കൊള്ളുന്ന കേന്ദ്രമാണ് ആവിഷ്‌കരിക്കുന്നത്. അര ലക്ഷം ചതുരശ്ര മീറ്റർ വിസ്തീർണത്തിലാകും വാഹന പരിശോധന കേന്ദ്രം നിർമിക്കുക. എട്ട് പരിശോധനാ വരികൾ ഇവിടെയുണ്ടാകും.

Read Also; യുഎഇയിൽ അപകടസ്ഥലങ്ങളിലെ ഫോട്ടോകളോ വീഡിയോകളോ എടുക്കുന്നതിനും സോഷ്യൽ മീഡിയയിൽ പോസ്റ്റുചെയ്യുന്നതിനും പിഴ

ഇന്ധനം നിറയ്ക്കൽ, അറ്റകുറ്റപ്പണികൾ തുടങ്ങി വാഹനം സംബന്ധിച്ച എല്ലാ സേവനങ്ങളും ഇവിടെ ലഭ്യമാകും. റസ്റ്റോറന്റുകൾ, കഫ്റ്റീരിയകൾ, ഇൻഷുറൻസ് ഓഫീസുകൾ എന്നിവയും ഇവിടെയുണ്ടാകും. രാവിലെയും വൈകീട്ടുമായി രണ്ട് ഷിഫ്റ്റുകളിൽ വാഹന പരിശോധന നടത്താനാണ് തീരുമാനം.