‘ക്യാംപസ് സംഘർഷങ്ങൾ സാധാരണകാര്യം; കോളേജിൽ എല്ലാ സംഘടനകൾക്കും പ്രവർത്തിക്കാൻ സ്വാതന്ത്ര്യമുണ്ടാകണം’: കാനം രാജേന്ദ്രൻ

ക്യാംപസ് സംഘർഷങ്ങൾ സാധാരണകാര്യമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. കോളേജുകളിൽ എല്ലാ സംഘടനകൾക്കും പ്രവർത്തിക്കാൻ സ്വാതന്ത്ര്യമുണ്ടാകണം. അതില്ലാതിരിക്കുന്നതാണ് യൂണിവേഴ്‌സിറ്റി കോളേജിലേയും എംജി കോളേജിലേയും പ്രശ്‌നമെന്നും കാനം രാജേന്ദ്രൻ ഡൽഹിയിൽ വിശദീകരിച്ചു.

യൂണിവേഴ്‌സിറ്റി കോളേജിലെ സംഘർഷ സംഭവത്തിൽ എല്ലാ പ്രതികളേയും അറസ്റ്റു ചെയ്ത് കഴിഞ്ഞു. നിയമം നിയമത്തിന്റെ വഴിക്ക് പോകട്ടെ. ഇടതുപക്ഷത്തിനു ജനാധിപത്യ അവകാശം നൽകാൻ കഴിയുന്നില്ലെങ്കിൽ ഫാസിസത്തിന് എതിരെ എങ്ങനെ വർത്തമാനം പറയാൻ കഴിയുമെന്നും കാനം ചോദിച്ചു.