പാലക്കാട് 22 കോടി രൂപയുടെ ഹാഷിഷ് ഓയിൽ പിടികൂടി

പാലക്കാട് എക്‌സൈസ് എൻഫോഴ്‌സ്‌മെന്റ് സ്‌ക്വാഡ് നടത്തിയ പരിശോധനയിൽ 23 കിലോ ഹാഷിഷ് ഓയിൽ പിടികൂടി. കാറിന്റെ ഡോറിനുള്ളിൽ ഒളിപ്പിച്ച നിലയിലാണ് ഹാഷിഷ് ഓയിൽ കണ്ടെത്തിയത്. പാലക്കാട്-പൊള്ളാച്ചി റോഡിൽ നോമ്പിക്കോട് വെച്ചാണ് വാഹനം പിടികൂടിയത്.

സംഭവത്തിൽ പാറത്തോട് സ്വദേശി അനൂപ് ജോർജ് പിടിയിലായിട്ടുണ്ട്. കാറിലുണ്ടായിരുന്ന 3 പേർ ഓടി രക്ഷപ്പെട്ടു. പിടികൂടിയ ഹാഷിഷ് ഓയിലിന് അന്താരാഷ്ട്ര വിപണിയിൽ 22 കോടിയോളം രൂപ വിലമതിക്കുമെന്ന് എക്‌സൈസ് എൻഫോഴ്‌സ്‌മെന്റ് ഉദ്യോഗസ്ഥർ അറിയിച്ചു.