മാനസിക രോഗിയായ 14കാരിയെ പീഡിപ്പിച്ച് ഗർഭിണിയാക്കി; ഡിഎംകെ നേതാവ് ഉൾപ്പെടെ നാല് പേർ അറസ്റ്റിൽ

മാനസിക രോഗിയായ 14കാരിയെ പീഡിപ്പിച്ച് ഗർഭിണിയാക്കി. തമിഴ്‌നാട്ടിലെ തിരുച്ചിയിലാണ് സംഭവം. ഡിഎംകെ പ്രാദേശിക നേതാവടക്കമുള്ളവരാണ് കേസിലെ പ്രതികൾ. നാല് പേരെയും അറസ്റ്റ് ചെയ്തതായി പൊലീസ് അറിയിച്ചു.

പി സെൽവരാജ്, രാം രാജ്, ടി സെൽവരാജ്, മുത്തു എന്നിവരാണ് അറസ്റ്റിലായത്. പി സെൽവരാജ് ഡിഎംകെ നേതാവും രണ്ട് തവണ പഞ്ചായത്ത് പ്രസിഡന്റുമായ ആളാണ്. കഴിഞ്ഞ ഏഴുമാസമായി പെൺകുട്ടി പീഡനത്തിനിരയായിരുന്നുവെന്ന് പൊലീസ് പറയുന്നു.

അമ്മയുടേയും മുത്തച്ഛന്റേയും കൂടെയാണ് പെൺകുട്ടി താമസിക്കുന്നത്. അമ്മ പണിക്ക് പോകുന്ന സമയത്തായിരുന്നു നാൽവർ സംഘം പെൺകുട്ടിയെ പീഡിപ്പിച്ചിരുന്നത്. പെൺകുട്ടി നിലവിൽ അഞ്ച് മാസം ഗർഭിണിയാണ്. പെൺകുട്ടിയെ ജില്ലാ ആശുപത്രിയിലേക്ക് മാറ്റി.