യുവതിക്ക് നേരെ ലൈംഗികാതിക്രമം; കാഞ്ഞങ്ങാട് സബ് രജിസ്ട്രാർ അറസ്റ്റിൽ

സ്വകാര്യ ബസിൽ യുവതിക്ക് നേരെ ലൈംഗിക അതിക്രമം നടത്തിയ കേസിൽ കാഞ്ഞങ്ങാട് സബ് രജിസ്ട്രാർ അറസ്റ്റിൽ. കൊല്ലം കൊച്ചുവിള സ്വദേശി ജോയിയാണ് കാടാമ്പുഴ പൊലീസ് അറസ്റ്റ് ചെയ്തത്.

തിരുവനന്തപുരത്തുനിന്നും മംഗലാപുരത്തേക്ക് പോവുകയായിരുന്ന സ്വകാര്യ ബസിലാണ് സംഭവം നടന്നത്. തന്റെ പുറകിലെ സീറ്റിൽ ഇരിക്കുകയായിരുന്ന ജോയി ദേഹത്ത് പിടിച്ചതായാണ് പരാതിക്കാരിയായ യുവതി മൊഴി നൽകിയിരിക്കുന്നത്. ഇയാൾ മദ്യപിച്ചിരുന്നുവെന്നും യുവതിയുടെ മൊഴിയിലുണ്ട്. എടപ്പാളിലെത്തിയപ്പോഴാണ് യുവതി പരാതി നൽകിയത്. തുടർന്ന് ബസ് പിന്തുടർന്ന പൊലീസ് കാടാമ്പുഴയിൽ വെച്ച് ഇയാളെ അറസ്റ്റ് ചെയ്യുകയായിരുന്നു.

കോടതിയിൽ ഹാജരാക്കിയ പ്രതിയെ രണ്ടുപേരുടെ ആൾജാമ്യത്തിൽ വിട്ടു.