തൊഴിയൂർ സുനിൽ കൊലപാതകത്തിൽ രണ്ട് പേർ കൂടി കസ്റ്റഡിയിൽ
തൊഴിയൂർ സുനിൽ കൊലപാതകത്തിൽ രണ്ട് പേർ കൂടി കസ്റ്റഡിയിൽ. അഞ്ചങ്ങാടി സ്വദേശി യൂസഫ് കൊളത്തൂർ സ്വദേശി ഉസ്മാൻ എന്നിവരാണ് കസ്റ്റഡിയിൽ ഉള്ളത്. കഴിഞ്ഞ ദിവസം തിരുവത്ര സ്വദേശി മൊയ്‌നുദ്ദീൻ അറസ്റ്റിലായിരുന്നു. വിദേശത്തുനിന്നെത്തിയ യൂസഫലിയെ നെടുമ്പാശേരി വിമാനത്താവളത്തിൽ നിന്നാണ് അറസ്റ്റ് ചെയ്തത്. ജംഇയത്തുൽ ഇഹ്‌സാനിയയുമായി ബന്ധമുള്ളവരാണ് ക്രൈംബ്രാഞ്ച് കസ്റ്റഡിയിലായത്.
1994 ൽ നിരപരാധികളായ നാല് സിപിഐഎം പ്രവർത്തകരെ ജീവപര്യന്തം തടവിനു ശിക്ഷിക്കപ്പെട്ടിരുന്നു. പിന്നീട് കോടതി ഇവരെ കുറ്റ വിമുക്തരാക്കുകയായിരുന്നു.
ആർഎസ്എസ് കാര്യവാഹക് ആയിരുന്ന തൊഴിയൂർ സുനിൽ 1994 ഡിസംബർ നാലിനാണ് കൊല്ലപ്പെടുന്നത്. ആയുധവുമായെത്തിയ കൊലയാളികൾ ഉറങ്ങിക്കിടന്ന സുനിലിനെ വെട്ടി. തടയാനെത്തിയ സുനിലിന്റെ സഹോദരൻ സുബ്രഹ്മണ്യന്റെ കൈ വെട്ടിമാറ്റി. ഇത് കണ്ട് തടയാനെത്തിയ അച്ഛൻ കുഞ്ഞുമോനെ അടിച്ചുവീഴ്ത്തി. സുനിലിന്റെ അമ്മയുടെ ചെവി മുറിച്ചു മാറ്റി. സഹോദരിമാരെ ക്രൂരമായി അക്രമിച്ചു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
