കണ്ണൂരിൽ മൂന്ന് മാവോയിസ്റ്റുകൾക്കെതിരെ യുഎപിഎ ചുമത്തി കേസെടുത്തു 

കണ്ണൂരിൽ മൂന്ന് മാവോയിസ്റ്റുകൾക്കെതിരെ യുഎപിഎ ചുമത്തി കേസെടുത്തു. മാവോയിസ്റ്റ് നേതാവ് സുന്ദരി അടക്കം മൂന്ന് പേർക്കെതിരെയാണ് കേസെടുത്തിരിക്കുന്നത്.

കഴിഞ്ഞ മാസം സുന്ദരിയുടെ നേതൃത്വത്തിലുള്ള സംഘം കണ്ണൂർ, വയനാട് അതിർത്തിയിലുള്ള ചെക്ക്യേരി കോളനിയിൽ എത്തിയിരുന്നതായാണ് പൊലീസ് പറയുന്നത്.  പ്രവർത്തനങ്ങളുമായി സഹകരിക്കണമെന്നാവശ്യപ്പെട്ട സംഘം, വിവരം പൊലീസിനെ അറിയിക്കരുതെന്ന് മുന്നറിയിപ്പ് നൽകിയതായും വിവരമുണ്ട്. കോളനിയിൽ നിന്ന് മടങ്ങും മുമ്പ് സംഘം മാവോയിസ്റ്റ് അനുകൂല മുദ്രാവാക്യം മുഴക്കിയതായും പൊലീസിന് വിവരം ലഭിച്ചു. കോളനിവാസികളാണ് സംഭവം പൊലീസിനെ അറിയിച്ചത്. തുടർന്നാണ് പൊലീസ് കേസെടുത്തത്. ഇരിട്ടി ഡിവൈഎസ്പിക്കാണ് അന്വേഷണച്ചുമതല.