കൈതമുക്കിലെ കുട്ടികൾ മണ്ണുവാരി തിന്നുവെന്ന പരാമർശം; ശിശുക്ഷേമ സമിതി സെക്രട്ടറി എസ്പി ദീപക് രാജിവച്ചു

കൈതമുക്കിലെ കുട്ടികൾ മണ്ണുവാരി തിന്നുവെന്ന പരാമർശത്തെ തുടർന്ന് വിവാദത്തിലായ ശിശുക്ഷേമ സമിതി സെക്രട്ടറി എസ്പി ദീപക് രാജിവച്ചു. സിപിഐഎം ആവശ്യപ്പെട്ടതിനെ തുടർന്നാണ് രാജി. ദീപകിന്റെ പരാമർശം സർക്കാരിന് നാണക്കേടുണ്ടാക്കിയെന്ന് സിപിഐഎം പറഞ്ഞു.

ഉത്തരവാദിത്തപ്പെട്ട സ്ഥാനത്തിരുന്നുകൊണ്ട് ദീപക് നടത്തിയ പരാമർശം സർക്കാരിന് നാണക്കേടുണ്ടാക്കിയെന്ന് സിപിഐഎം സംസ്ഥാന സെക്രട്ടേറിയറ്റ് വിലയിരുത്തിയിരുന്നു.

ഡിസംബർ 2നാണ് സമൂഹത്തെ ആകെ ഞെട്ടിച്ച് തിരുവന്തപുരം നഗരമധ്യത്തിൽ പട്ടിണി മൂലം അമ്മ ആറുമക്കളിൽ നാല് പേരെ ശിശുക്ഷേമ സമിതിക്ക് വിട്ട് നൽകാൻ തീരുമാനിച്ചത്. കൈതമുക്കിലെ പുറംപോക്കിലെ ഷെഡിൽ കഴിയുന്ന കുടുംബത്തിലെ മൂത്ത കുട്ടിക്ക് 7 വയസും ഇളയകുട്ടിക്ക 3മാസവുമാണ് പ്രായം. കൂലിപ്പണിക്കാരനായ ഭർത്താവ് കുഞ്ഞുമോൻ മദ്യപാനിയാണ്. ഇയാൾ പണമോ മറ്റ് സഹായങ്ങളോ കുടുംബത്തിന് നൽകിയിരുന്നില്ല.

Story Highlights – Child, Hunder, Kaithamukku