ഇരുമ്പനത്ത് കാറും ടാങ്കര്‍ ലോറിയും കൂട്ടിയിടിച്ച് രണ്ടുപേര്‍ മരിച്ചു

എറണാകുളം തൃപ്പൂണിത്തുറ ഇരുമ്പനത്ത് കാറും ടാങ്കര്‍ ലോറിയും കൂട്ടിയിടിച്ച് രണ്ടുപേര്‍ മരിച്ചു. കാര്‍ യാത്രക്കാരായ തൊടുപുഴ സ്വദേശിനി ബില്‍ക്കിസ്, മകള്‍ ഷൈല എന്നിവരാണ് മരിച്ചത്. കാര്‍ ഓടിച്ചിരുന്ന ഹസീഫിനെ പരുക്കുകളോടെ ആശുപത്രിയില്‍ പ്രവേശിപ്പിച്ചു.

കാക്കനാട് ഭാഗത്തേക്ക് പോവുകയായിരുന്ന കാര്‍ ഇരുമ്പനത്തുനിന്ന് ഇന്ധനം നിറച്ച് പുറത്തേക്കുവന്ന വാഹനത്തില്‍ ഇടിക്കുകയായിരുന്നു. കാര്‍ തെറ്റായ ദിശയില്‍ എത്തി ലോറിയില്‍ ഇടിക്കുകയായിരുന്നുവെന്ന് ദൃക്‌സാക്ഷികള്‍ പറയുന്നു. ഹഫീസിന് കാര്യമായ പരുക്കുകളില്ല. അപകടനില തരണം ചെയ്തിട്ടുണ്ട്. അപകടം നടന്ന ഉടന്‍ ബില്‍ക്കിസിനെയും ഷൈലയെയും മെഡിക്കല്‍ ട്രസ്റ്റ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

story highlights – accident