തൃശൂർ മാനസികാരോഗ്യ കേന്ദ്രത്തിൽ നിന്ന് റിമാൻഡ് തടവുകാർ അടക്കം രക്ഷപ്പെട്ടു; ഒരാൾ പിടിയിൽ

തൃശൂരിൽ മാനസികാരോഗ്യ കേന്ദ്രത്തിൽ നിന്ന് രക്ഷപ്പെട്ട ഒരാളെ പിടികൂടി. അസം സ്വദേശിയായ രാഹുലാണ് പിടിയിലായത്. തൃശൂർ ഒളരിയിൽ നിന്നാണ് ഇയാൾ പിടിയിലായത്. റിമാൻഡ് പ്രതികളായ 6 പേർക്കായി തിരച്ചിൽ തുടരുന്നു

ഇന്നലെയാണ് തൃശൂരിലെ മാനസികാരോഗ്യ കേന്ദ്രത്തിൽ നിന്ന് ഏഴ് അന്തേവാസികൾ രക്ഷപ്പെട്ടത്. രക്ഷപ്പെട്ട ഏഴ് പേരിൽ ആറ് പേർ വിവിധ ജയിലുകളിലെ റിമാൻഡ് തടവുകാരാണ്. പൊലീസുകാരനേയും നഴ്‌സിനേയും ആക്രമിച്ചാണ് ഇവർ രക്ഷപ്പെട്ടത്. പൊലീസുകാരന്റെ സ്വർണ മാലയും വാച്ചും കവർന്നിട്ടുണ്ട്.