പൗരത്വ ഭേദഗതി നിയമത്തിനെതിരായ പ്രതിഷേധം; ഡൽഹിക്ക് പുറമെ തമിഴ്‌നാട്ടിലും ഹൈദരാബാദിലും വിദ്യാർത്ഥി പ്രതിഷേധം

രാജ്യത്ത് പൗരത്വ ഭേദഗതി നിയമത്തിനെതിരായ പ്രതിഷേധാഗ്നി ആളിപ്പടരുകയാണ്. ഡൽഹി ചെങ്കോട്ടയിലേക്ക് വിദ്യാർത്ഥികൾ നടത്തിയ മാർച്ച് പൊലീസ് തടഞ്ഞു. വിദ്യാർത്ഥികളെ പൊലീസ് അറസ്റ്റ് ചെയ്ത് നീക്കി.

നിയമത്തിനെതിരെ പ്രതിഷേധിച്ച സിപിഐഎം ജനറൽ സെക്രട്ടറി സീതാറാം യെച്ചൂരിയും സിപിഐ ജനറൽ സെക്രട്ടറി ഡി രാജയേയും അറസ്റ്റ് ചെയ്തു. വൃന്ദാ കാരാട്ടിനേയും ആനി രാജയേയും പൊലീസ് കസ്റ്റഡിയിലെടുത്തു. ചരിത്രകാരൻ ചാമചന്ദ്ര ഗുഹയെ ബംഗളൂരുവിൽ പ്രതിഷേധത്തിനിടെ കസ്റ്റഡിയിലെടുത്തു. ഡൽഹിയിലും തമിഴ്‌നാട്ടിലും ഹൈദരാബാദിലും വിദ്യാർത്ഥികളും കസ്റ്റഡിയിലാണ്.

ഹൈദരാബാദിലും തമിഴ്‌നാട്ടിലും വിദ്യാർത്ഥികളെ പൊലീസ് അറസ്റ്റ് ചെയ്ത് നീക്കി. നൂറുകണക്കിന് പേരെ തെലങ്കാനയിൽ നിന്ന് അറസ്റ്റ് ചെയ്ത് നീക്കി.

Story Highlights- Citizenship Amendment Act