ജനറല്‍ ടിക്കറ്റുമായി ജനശതാബ്ദിയില്‍ യാത്ര; ചോദ്യം ചെയ്ത ടിടിഇയിക്ക് പൊലീസുകാരുടെ മര്‍ദനം
ജനറല്‍ ടിക്കറ്റുമായി ജനശതാബ്ദിയില്‍ യാത്ര ചെയ്തത് ചോദ്യം ചെയ്ത ടിടിഇയെ പൊലീസുകാര്‍ ചേര്‍ന്നു മര്‍ദിച്ചു. കണ്ണൂര്‍-തിരുവനന്തപുരം ജനശതാബ്ദി ട്രെയിനിലാണ് സംഭവം. മര്‍ദനമേറ്റ ടിടിഇ സത്യേന്ദ്ര കുമാര്‍ മീനയെ ആശുപത്രിയില്‍ പ്രവേശിപ്പിച്ചു. സംഭവത്തില്‍ രണ്ട് സിവില്‍ പൊലീസ് ഓഫീസര്‍മാരെ ആര്‍പിഎഫ് കസ്റ്റഡിയിലെടുത്തു.
തൃശൂരില്‍ നിന്ന് രണ്ട് പ്രതികളുമായി കണ്ണൂര്‍-തിരുവനന്തപുരം ജനശതാബ്ദി ട്രെയിനില്‍ കയറിയ പൊലീസുകാരുടെ പക്കല്‍ റിസര്‍വേഷന്‍ ടിക്കറ്റുണ്ടായിരുന്നില്ല. രണ്ട് ജനറല്‍ ടിക്കറ്റുകളാണ് ഉണ്ടായിരുന്നത്. ജനറല്‍ ടിക്കറ്റുമായി ജനശതാബ്ദിയില്‍ യാത്ര ചെയ്യാന്‍ കഴിയില്ലെന്നും പിഴ ഈടാക്കുമെന്നും ടിടിഇ അറിയിച്ചു. തുടര്‍ന്ന് പൊലീസുകാര്‍ ചേര്‍ന്ന് ടിടിഇയെ മര്‍ദിക്കുകയായിരുന്നുവെന്ന് യാത്രക്കാര്‍ പറഞ്ഞു.
Story Highlights- police , Jan Shatabdi , General ticket
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
