ന്യൂഇയര്‍ ഓഫര്‍; 2020 രൂപയ്ക്ക് ജിയോ ഫോണും അണ്‍ലിമിറ്റഡ് സര്‍വീസും
പുതുവര്‍ഷത്തെ വരവേല്‍ക്കാന്‍ പുതിയ ഓഫറുകളുമായി റിലയന്‍സ് ജിയോ. ‘2020 ഹാപ്പി ന്യൂഇയര്‍ ഓഫര്‍’ എന്ന പേരിലാണ് ഓഫറുകള്‍ അവതരിപ്പിച്ചിരിക്കുന്നത്. 2020 രൂപയ്ക്ക് ജിയോ ഫോണും അണ്‍ലിമിറ്റഡ് സര്‍വീസും ലഭിക്കുന്നതാണ് അവതരിപ്പിച്ചിരിക്കുന്നതില്‍ ആദ്യ ഓഫര്‍. ഒരു വര്‍ഷത്തേയ്ക്ക് 0.5 ജിബി ഡേറ്റ ദിവസവും ലഭിക്കും. അതോടൊപ്പം അണ്‍ലിമിറ്റഡ് വോയ്‌സ് കോളും എസ്എംഎസും ലഭിക്കും.
നിലവിലുള്ള ഉപയോക്താക്കള്‍ക്ക് 2020 രൂപയ്ക്ക് റീച്ചാര്‍ജ് ചെയ്താല്‍ ഒരു വര്‍ഷത്തേയ്ക്ക് ദിവസവും 1.5 ജിബി ഡേറ്റയും അണ്‍ലിമിറ്റഡ് വോയ്‌സ് കോളും എസ്എംഎസും ലഭിക്കും. നാളെ മുതലാണ് ഓഫറുകള്‍ ആരംഭിക്കുക.
ദീപാവലിയുടെ ഭാഗമായി വിവിധ ഓഫറുകള്‍ ജിയോ അവതരിപ്പിച്ചിരുന്നു. ദീപാവലി ഓഫറിന്റെ ഭാഗമായി ജിയോയുടെ 4 ജി സ്മാര്‍ട്ട്‌ഫോണിന്റെ വില 699 ആയി കുറച്ചിരുന്നു. സെപ്റ്റംബറോടെ ഏഴ് കോടി ജിയോ ഫോണുകള്‍ വിറ്റതായാണ് റിപ്പോര്‍ട്ടുകള്‍.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
