യുപി പൊലീസ് അലിഗഡ് വിദ്യാർത്ഥികളെ ആക്രമിച്ചത് ജയ് ശ്രീറാം വിളിച്ചു കൊണ്ടെന്ന് റിപ്പോർട്ട്

പൗരത്വ നിയമഭേദഗതിക്കെതിരെയും പൗരത്വ രജിസ്റ്ററിനെതിരെയും പ്രതിഷേധിച്ച ഉത്തർപ്രദേശ് അലിഗഡ് മുസ്ലിം സർവകലാശാല വിദ്യാർത്ഥികളെ ഉത്തർപ്രദേശ് പൊലീസ് ആക്രമിച്ചത് ജയ് ശ്രീറാം വിളിച്ചു കൊണ്ടെന്ന് റിപ്പോർട്ട്. ഇന്ത്യൻ കൾച്ചറൽ ഫോറവും കാരവാൻ-ഏ- മൊഹബതും ചേർന്ന് തയ്യാറാക്കിയ ഒരു റിപ്പോർട്ടിലാണ് ഞെട്ടിക്കുന്ന കണ്ടെത്തലുകൾ ഉള്ളത്. ജയ് ശ്രീറാം വിളിച്ചു കൊണ്ട് പൊലീസ് വിദ്യാർത്ഥികളെ ആക്രമിച്ചു എന്നും വാഹനങ്ങൾക്കും മറ്റും തീയിട്ടെന്നും റിപ്പോർട്ടിൽ പറയുന്നു.

പ്രതിഷേധവുമായി നിരത്തിലിറങ്ങിയ വിദ്യാർത്ഥികൾക്കു നേരെ പൊലീസ് സ്റ്റൺ ഗണ്ണുകൾ പ്രയോഗിച്ചു. വിദ്യാർത്ഥികൾ എന്ന പരിഗണന നൽകാതെ തീവ്രവാദികളെ നേരിടുന്നതു പോലെയായിരുന്നു പൊലീസിൻ്റെ ആക്രമണം. പൊലീസുകാർ വിദ്യാർത്ഥികൾക്കു നേരെ തീവ്രവാദി എന്നർത്ഥം വരുന്ന വാക്കുകൾ പ്രയോഗിച്ചു. റബ്ബർ ബുള്ളറ്റുകളും സ്റ്റൺ ഗണ്ണുകളും കണ്ണീർ വാതകങ്ങളും സൗണ്ട് ബോംബുകളും ലാത്തികളും വിദ്യാർത്ഥികളെ ഇവർ ഉപയോഗിച്ചുവെന്നും റിപ്പോർട്ടിൽ പറയുന്നു.

അതേ സമയം, സർവകലാശാല ഇത്തരം അതിക്രമങ്ങൾക്കു നേരെ കൺനടക്കുകയായിരുന്നുവെന്നും റിപ്പോർട്ടിൽ ആരോപിക്കുന്നു.പരാതി നൽകുന്ന വിദ്യാർത്ഥികളെ കോളജിൽ നിന്ന് പുറത്താക്കുമെന്നും ദേശീയ സുരക്ഷാ നിയമം ഉൾപ്പെടെ ക്രിമിനൽ കുറ്റങ്ങൾ ചുമത്തുമെന്ന് കോളജ് അധികൃതർ അറിയിച്ചുവെന്നും റിപ്പോർട്ടിൽ സൂചിപ്പിക്കുന്നു.

മു​ൻ ഐ​എ​എ​സ് ഉ​ദ്യോ​ഗ​സ്ഥ​ൻ ഹ​ർ​ഷ് മ​ന്ദ​ർ, അ​ക്കാ​ദ​മി​ക് ന​ന്ദി​നി സു​ന്ദ​ർ, അ​വ​കാ​ശ പ്ര​വ​ർ​ത്ത​ക​ൻ ജോ​ണ്‍ ദ​യാ​ൽ, എ​ഴു​ത്തു​കാ​ര​ൻ ന​താ​ഷ ബ​ദ്വാ​ർ എ​ന്നി​വ​ർ ഉ​ൾ​പ്പെ​ട്ട 13 അം​ഗ സ​മി​തി​യാ​ണു റി​പ്പോ​ർ​ട്ട് ത​യാ​റാ​ക്കി​യ​ത്. സംഭവ സമയത്ത് കാമ്പസിലുണ്ടായിരുന്ന അധ്യാപകരുടെയും വിദ്യാർത്ഥികളുടെയും മൊഴി, ആശുപത്രിയിലെ ഡോക്ടർമാരുടെയും മറ്റും മൊഴി, സിസിടിവി ദൃശ്യങ്ങൾ തുടങ്ങിയ വിവരങ്ങൾ വെച്ചാണ് ഈ റിപ്പോർട്ട് തയ്യാറാക്കിയത്.

എന്നാൽ അലിഗഡ് സിറ്റി എസ്പി അ​ഭി​ഷേ​ക് ഈ റിപ്പോർട്ട് തള്ളി. വിദ്യാർത്ഥികളാണ് അക്രമം നടത്തിയതെന്നും പൊലീസ് ആ​ത്മ​ര​ക്ഷ​യ്ക്കാ​യി മി​നി​മം ഫോ​ഴ്സ് ഉ​പ​യോ​ഗി​ക്കു​ക​യാ​യി​രു​ന്നു​വെ​ന്നും ഇദ്ദേഹം പ​റ​ഞ്ഞു.

Story Highlights: Aligarh Muslim University, CAA, NRC