പാലക്കാട് വീട്ടുവളപ്പിലെ കിണറ്റിൽ പുലിയുടെ ജഡം

വീട്ടുവളപ്പിലെ കിണറ്റിൽ പുലിയുടെ ജഡംകണ്ടെത്തി. പാലക്കാട് ജില്ലയിലെ കോങ്ങാട് പെരിങ്ങോട് പറക്കോട് സുകുമാരന്റെ വീട്ടിലെ കിണറ്റിലാണ് പുള്ളിപ്പുലിയെ ചത്ത നിലയിൽ കണ്ടെത്തിയത്. പുലിയെ പോസ്റ്റ്മോർട്ടത്തിനായി പാലക്കാട്‌ ജില്ലാ വൈറ്ററിനറി ആശുപത്രിയിൽ കൊണ്ടുപോയിരിക്കുകയാണ്.

ഇന്ന് വൈകുന്നേരം 5 മണിയോടെയാണ് പുള്ളിപ്പുലിയെ പറക്കോട് സുകുമാരന്റെവീട്ടുവളപ്പിലെ കിണറ്റിൽ ചത്തനിലയിൽ കണ്ടത്.
ഇതിനു മുമ്പും പരിസരപ്രദേശങ്ങളിൽ പുലിയെ കണ്ടതായി വീട്ടുകാർ പറയുന്നുണ്ട്.

പാലക്കാട്‌ ഡി എഫ് ഓ നരേന്ദ്രൻ വേളൂരി, മുണ്ടൂർ ഫോറസ്ററ് ഓഫീസർ ശശിഭൂഷൺ, ഒലവക്കോട് റേഞ്ച് ഓഫീസർ അഖിൽ എന്നിവരുടെ നേതൃത്വത്തിലെ വനംവകുപ്പു ഓഫീസർമാരും പോലീസും സ്ഥലത്തെത്തി പരിശോധന നടത്തി.

Story Highlights: Leopard, Deadbody