‘പ്രതിസന്ധിയെ അതിജീവിക്കുവാനുള്ള കരുത്ത് പുതിയവർഷം നമുക്ക് പ്രദാനം ചെയ്യട്ടേ’; പുതുവത്സരാശംസകൾ നേർന്ന് പ്രതിപക്ഷ നേതാവ്

പ്രതിപക്ഷനേതാവ് രമേശ് ചെന്നിത്തല എല്ലാവർക്കും ഹൃദ്യമായ പുതുവർഷം ആശംസിച്ചു. നൂറ്റാണ്ടുകളായി നമ്മുടെ രാഷ്ട്രത്തെ ഒന്നിച്ചുനിർത്തുന്ന അടിസ്ഥാന മൂല്യങ്ങൾക്ക് നേരെ വെല്ലുവിളി ഉയരുന്ന ഈ ഘട്ടത്തിൽ പരസ്പരം സ്‌നേഹത്തോടും വിശ്വാസത്തോടും ഒന്നിച്ചുനിന്ന് പ്രതിസന്ധിയെ അതിജീവിക്കുവാനുള്ള കരുത്ത് പുതിയവർഷം നമുക്ക് പ്രദാനം ചെയ്യട്ടേ എന്ന് രമേശ് ചെന്നിത്തല ആശംസിച്ചു.

നേരത്തെ ഗവർണർ ആരിഫ് മുഹമ്മദ് ഖാനും പുതുവത്സരാശംസകൾ നേർന്നിരുന്നു. ‘സൃഷ്ടിപരമായ ആശയവിനിമയത്തിലൂടെ ജനാധിപത്യത്തെ ശക്തിപ്പെടുത്തിയും രാജ്യത്തിന്റെ ഐക്യവും ഒരുമയും ഉയർത്തിക്കൊണ്ടും വരുംവർഷം പുരോഗതിയും വികസനവും ഉറപ്പാക്കാൻ നമുക്ക് ഒരുമിച്ച് പ്രയത്‌നിക്കാം’ ഗവർണർ ആശംസയിൽ പറഞ്ഞു.

Story Highlights- New Year