കേന്ദ്രമന്ത്രി രവിശങ്കർ പ്രസാദിനെതിരെ അവകാശ ലംഘനത്തിന് നോട്ടീസ്
കേന്ദ്രമന്ത്രി രവിശങ്കർ പ്രസാദിനെതിരെ അവകാശ ലംഘനത്തിന് നോട്ടീസ്. പൗരത്വ നിയമ ഭേദഗതി നിയമത്തിൽ പ്രമേയം പാസാക്കാൻ കേരള നിയമസഭക്ക് അവകാശമില്ലെന്ന മന്ത്രിയുടെ പ്രസ്താവനക്കെതിരായാണ് നോട്ടീസ്. കേന്ദ്രമന്ത്രിയുടെ പ്രസ്താവന നിയമസഭയുടെ അവകാശത്തിന്മേലുള്ള കൈ കടത്തൽ എന്ന് ചൂണ്ടിക്കാട്ടി കെ സി ജോസഫാണ് സ്പീക്കർക്ക് കത്ത് നൽകിയിരിക്കുന്നത്.
ഡിസംബർ 31നായിരുന്നു രവിശങ്കർ പ്രസാദിന്റെ പരാമർശം. പൗരത്വ വിഷയത്തിൽ നിയമം നിർമിക്കാൻ പാർലമെന്റിന് അധികാരമുണ്ടെന്നും നിയമനിർമാണത്തിന് സംസ്ഥാന നിയമസഭകൾക്ക് അധികാരമില്ലെന്നുമായിരുന്നു രവിശങ്കർ പ്രസാദിന്റെ പ്രതികരണം. മുഖ്യമന്ത്രി നല്ലൊരു നിയമോപദേശകനെവച്ച് ശരിയായ നിയമവശം പരിശോധിക്കണമെന്നും മന്ത്രി പറഞ്ഞു. നിയമസഭയിൽ പൗരത്വ നിയമ ഭേദഗതിയെ അനുകൂലിച്ച് നിലപാട് സ്വീകരിച്ച ഒ രാജഗോപാൽ എംഎൽഎയെ രവിശങ്കർ പ്രസാദ് അഭിനന്ദിക്കുകയും ചെയ്തിരുന്നു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
