വയനാട് ചുരത്തില്‍ വാഹനാപകടം; എട്ടുപേര്‍ക്ക് പരുക്ക്

ചുരത്തിലെ തകരപ്പാടിയില്‍ വച്ച് ജീപ്പും ലോറിയും കൂട്ടിയിടിച്ചു ജീപ്പുയാത്രികര്‍ക്ക് പരുക്കേറ്റു. മീനങ്ങാടിയില്‍ വിവാഹ ചടങ്ങില്‍ പങ്കെടുക്കുനായി പോകുകയായിരുന്ന ആനക്കാംപൊയില്‍ സ്വദേശികള്‍ സഞ്ചരിച്ചിരുന്ന വാഹനമാണ് അപകടത്തില്‍ പെട്ടത്.

ജീപ്പിലുണ്ടായിരുന്ന എട്ട് പേര്‍ക്കാണ് പരുക്കേറ്റത്. ഒരാള്‍ക്കൊഴികെ ആര്‍ക്കും സാരമുള്ള പരിക്കില്ലെന്നാണ് റിപ്പോര്‍ട്ട്. പരുക്കേറ്റവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

Story Highlights- Wayanad, road accident