വായിൽ തുണി തിരുകി ഭർത്താവ് ഭാര്യയെ കഴുത്ത് ഞെരിച്ച് കൊന്നു

തിരുവനന്തപുരം പുല്ലുവിളയിൽ ഭർത്താവ് ഭാര്യയെ കഴുത്ത് ഞെരിച്ച് കൊന്നു. സംശയരോഗമാണ് കാലപാതകത്തിന് കാരണമെന്നാണ് പൊലീസ് പറയുന്നത്.

ഇന്ന് ഉച്ചയോടെയാണ് നാടിനെ നടുക്കിയ സംഭവം ഉണ്ടാകുന്നത്. ഭാര്യ ഷൈനിയുടെ വായിൽ തുണി തിരുകിയ ശേഷം ഭർത്താവ് നിജു കഴുത്ത് ഞെരിച്ച് കൊല്ലുകയായിരുന്നു. ഷൈനിയെ ഭർത്താവിന് സംശയമായിരുന്നുവെന്നും ഇവർ തമ്മിൽ വഴക്ക് പതിവായിരുന്നുവെന്നും പൊലീസ് പറയുന്നു.

Read Also : തൃശൂരിൽ ഭർത്താവ് ഭാര്യയെ വെട്ടിക്കൊന്നു

നിജുവിനെ പൊലീസ് കസ്റ്റഡിയിലെടുത്തിട്ടുണ്ട്. നിജു കുറ്റം സമ്മതിച്ചിട്ടുണ്ട്. കൊലപാതകത്തെ കുറിച്ചറിഞ്ഞ് പൊലീസ് വീട്ടിലെത്തുമ്പോൾ നിജു വീട്ടിൽ തന്നെയുണ്ടായിരുന്നു. തുടർന്നാണ് നിജുവിനെ പൊലീസ് കസ്റ്റഡിയിലെടുക്കുന്നത്.

Story Highlights- Murder