കശ്മീരില്‍ ഏറ്റുമുട്ടല്‍; മൂന്ന് ഭീകരരെ വധിച്ചു

ജമ്മു കാശ്മീരിലെ പുല്‍വാമ ജില്ലയിലെ ത്രാലിലുണ്ടായ ഏറ്റുമുട്ടലില്‍ മൂന്ന് ഭീകരര്‍ കൊല്ലപ്പെട്ടു. ഹിസ്ബുള്‍ മുജാഹിദ്ദീനിലെ അംഗങ്ങളാണ് കൊല്ലപ്പെട്ടത്. ഉമര്‍ ഫയാസ് ലോന്‍, അദില്‍ ബാഷിര്‍ മിര്‍, ഫൈസാന്‍ ഹമീദ് ഭട്ട് എന്നിവരാണ് കൊല്ലപ്പെട്ടത്.

ഭീകരരുടെ സാന്നിധ്യം ഉണ്ടെന്നുള്ള ഇന്റലിജന്‍സ് റിപ്പോര്‍ട്ടിനെ തുടര്‍ന്ന് ത്രാലിലെ ഗുല്‍ഷാന്‍പോരയില്‍ നടത്തിയ തെരച്ചിലിനിടെയാണ് ഏറ്റുമുട്ടലുണ്ടായത്. ആദ്യം ഭീകരരാണ് വെടിയുതിര്‍ത്തതെന്ന് പൊലീസ് ഉദ്യോഗസ്ഥര്‍ പറഞ്ഞു.