2019ലെ ഐഫോണിന്റെ മോശം പ്രകടനം; സിഇഒ ടിം കുക്കിന്റെ 2019-ലെ വാർഷിക ശമ്പളം 1.16 കോടി ഡോളറായി കുറഞ്ഞു

2019-ലെ ഐഫോണിന്റെ മോശം പ്രകടനം. ആപ്പിൾ സിഇഒ ടിം കുക്കിന്റെ 2019-ലെ വാർഷിക ശമ്പളം 1.16 കോടി ഡോളറായി വെട്ടിച്ചുരുക്കി.
2018-ൽ 1.57 കോടി ഡോളർ ലഭിച്ച കുക്കിന് 30 ലക്ഷം ഡോളറിന്റെ അടിസ്ഥാന ശമ്പളവും ബോണസ് അടക്കമുള്ള മറ്റ് ആനുകൂല്യങ്ങളും ലഭിച്ചിരുന്നു.

2019-ലെ പെർഫോമൻസ് ബോണസ് 77 ലക്ഷം ഡോളറിനടുത്താണ്. 2018-ൽ കമ്പനിയുടെ വില്പനലക്ഷ്യം 100 ശതമാനം മറികടന്നതിനെ തുടർന്ന് 1.2 കോടി ഡോളറായിരുന്നു പെർഫോമൻസ് ബോണസ്.

അതേസമയം, കുക്കിന്റെ 2109ലെ ശമ്പളത്തിൽ 8.85 ലക്ഷം ഡോളർ മൂല്യമുള്ള സ്വകാര്യ വിമാനം ഉപയോഗിക്കാനുള്ള അനുമതിയും ബോർഡ് നൽകിയിട്ടുണ്ട് എന്നാണ് റിപ്പോർട്ടുകൾ.