ഡൽഹി നിയമസഭാ തെരഞ്ഞെടുപ്പ്; വാക്‌പോര് കടുപ്പിച്ച് അമിത് ഷായും കേജ്‌രിവാളും

ഡൽഹി നിയമസഭാ തെരഞ്ഞെടുപ്പ് പ്രചരണത്തിന് ചൂടേറുന്നു. മൂന്ന് വിധം തെരഞ്ഞെടുപ്പ് റാലികളാണ് ആം ആദ്മി പാർട്ടിയും ബിജെപിയും നടത്തുന്നത്. തെരഞ്ഞെടുപ്പ് പ്രചാരണത്തിൽ അമിത് ഷായും കേജ്‌രിവാളും സജീവമായതോടെ ഇരുവരും തമ്മിലുള്ള രാഷ്ട്രീയ വാക്‌പോരും കനക്കുന്നുണ്ട്. ആം ആദ്മി പാർട്ടിയുടെ കൈയിൽ നിന്ന് ഡൽഹിയെ തിരിച്ചുപിടിക്കാൻ അമിത് ഷാ നേരിട്ട് ഇറങ്ങിയതോടെയാണ് രാഷ്ട്രീയ വാക്‌പോർ മുറുകുന്നത്. നവമാധ്യമങ്ങളിലും ഇത് പ്രകടമാണ്.

Read Also: പൗരത്വ നിയമത്തിനെതിരായ പരാമര്‍ശം നയപ്രഖ്യാപനത്തില്‍ ഉള്‍പ്പെടുത്തിയതില്‍ സര്‍ക്കാര്‍ വിശദീകരണം നല്‍കും

യമുന വിഹാറിലെ പ്രചാരണത്തിനിടെ ബിജെപി പ്രവർത്തകന്റെ വീട്ടിൽ നിന്ന് ഭക്ഷണം കഴിക്കുന്ന ചിത്രം ട്വീറ്ററിൽ പോസ്റ്റ് ചെയ്ത അമിത് ഷായ്ക്ക് റീട്വീറ്റ് ചെയ്താണ് കേജ്‌രിവാൾ മറുപടി നൽകിയത്. കഴിഞ്ഞ അഞ്ച് വർഷം 24 മണിക്കൂർ സൗജന്യ വൈദ്യുതി, വെള്ളം, ബസ് യാത്ര തുടങ്ങിയവ നൽകിയത് ആരാണെന്ന് ചോദിക്കണം എന്നാണ് അമിത് ഷായോട് കേജ്‌രിവാൾ ആവശ്യപ്പെട്ടത്. കൂടാതെ വിദ്യാഭ്യാസമേഖലയിലെ വികസനത്തെപ്പറ്റിയും വാക്‌പോര് രൂക്ഷമാണ്.

നരേല, ബവാന, ഗാന്ധിനഗർ തുടങ്ങിയിടങ്ങളിലാണ് ഇന്ന് ആം ആദ്മി പാർട്ടിയുടെ റാലി. അമിത് ഷായുടെയും ബിജെപി അധ്യക്ഷൻ ജെ പി നദ്ദയുടെയും റാലികൾ ഇന്ന് മണ്ഡലത്തിലുണ്ട്.

delhi election