മലപ്പുറത്ത് പ്രായപൂർത്തിയാകാത്ത പെൺകുട്ടിയെ പീഡിപ്പിച്ച് കടന്നുകളഞ്ഞ പ്രതിയെ പൊലീസ് പിടികൂടി

പോക്‌സോ കേസ് പ്രതിയെ കേരളാ പൊലീസ് കർണാടകയിൽ എത്തി അറസ്റ്റ് ചെയ്തു. മലപ്പുറം നിലമ്പൂർ പോത്തുകല്ലിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച ശേഷം ഒളിവിൽ പോയ കുറുമ്പലങ്ങോട് സ്വദേശി വീരാൻകുട്ടിയാണ് അറസ്റ്റിലായത്.

രഹസ്യവിവരത്തിന്റെ അടിസ്ഥാനത്തിൽ പോത്തുകല്ല് എസ്‌ഐ അബ്ബാസിന്റെ നേതൃത്വത്തിൽ നടത്തിയ അന്വേഷണത്തിലാണ് കർണാടകയിലെ ദക്ഷിണ കന്നഡ ജില്ലയിൽ ഒളിച്ചു താമസിച്ചിരുന്ന പ്രതിയെ കർണാടക പൊലീസിന്റെ സഹായത്തോടെ പിടികൂടിയത്‌. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.