ഇടത്തിരികത്തുകാവില്‍ താലപ്പൊലി; ഗുരുവായൂര്‍ ക്ഷേത്ര നട നേരത്തെ അടയ്ക്കും

ഗുരുവായൂര്‍ ക്ഷേത്രത്തിലെ ഉപദേവതയായ ഇടത്തിരികത്തുകാവില്‍ ഭഗവതിക്ക് ദേവസ്വംവക താലപ്പൊലി ആഘോഷിക്കുന്നതിനാല്‍ വെള്ളിയാഴ്ച ഗുരുവായൂര്‍ ക്ഷേത്രനട രാവിലെ 11.30 ന് അടയ്ക്കും. പിന്നീട് എഴുന്നള്ളിപ്പ് കഴിഞ്ഞ് വൈകീട്ട് 4.30 ന് ക്ഷേത്രനട തുറക്കും. നടയടച്ച സമയത്ത് ദര്‍ശനത്തിനും വിവാഹം, ചോറൂണ്‍, തുലാഭാരം തുടങ്ങിയ വഴിപാടുകള്‍ നടത്താന്‍ സാധിക്കില്ല.