വാതുവയ്പ്പ്; സഞ്ജീവ് ഛാവ്‌ലയെ 12 ദിവസത്തെ പൊലീസ് കസ്റ്റഡിയിൽ വിട്ട് കോടതി

മുൻ സൗത്ത് ആഫ്രിക്കൻ ക്രിക്കറ്റ് ക്യാപ്റ്റൻ ഹാൻസി ക്രോണിയ അടക്കം ഉൾപ്പെട്ട വാതുവയ്പ്പ് കേസിൽ സഞ്ജീവ് ഛാവ്‌ലയെ കോടതി 12 ദിവസത്തെ പൊലീസ് കസ്റ്റഡിയിൽ വിട്ടു.

അഡീഷ്ണൽ ചീഫ് മെട്രോപൊളിറ്റൻ മജിസ്‌ട്രേറ്റ് സുധീർ കുമാർ സിരോഹിയാണ് ഛാവ്‌ലയെ പന്ത്രണ്ട് ദിവസത്തെ പൊലീസ് കസ്റ്റഡിയിൽ വിടുന്നത്. 14 ദിവസത്തെ കസ്റ്റഡി അപേക്ഷിയാണ് പൊലീസ് സമർപ്പിച്ചിരുന്നത്.

ക്രിക്കറ്റ് ചരിത്രത്തിലെ ഏറ്റവും വലിയ വാതുവയ്പ്പ് എന്നാണ് 2000ൽ സഞ്ജീവ് ഛാവ്‌ല ഉൾപ്പെട്ട കേസ് അറിയപ്പെടുന്നത്.

2000 ഫെബ്രുവരി-മാർച്ച് മാസങ്ങളിലായി ഇന്ത്യ-സൗത്ത് ആഫ്രിക്ക പര്യടനത്തിനായി സൗത്ത് ആഫ്രിക്കൻ ക്യാപ്റ്റൻ ക്രോണിയയുമായി സഞ്ജീവ് ഛാവ്‌ല ഗൂഢാലോചന നടത്തിയെന്നാണ് ആരോപണം. സഞ്ജീവ് ഛാവ്‌ല 1996ൽ യുകെയിൽ ബിസിനസ്സ് വീസയിലാണ് എത്തിയത്. പിന്നീട് ബിസിനസ്സ് ആവശ്യങ്ങൾക്കായി ഇടയ്ക്കിടെ ഇന്ത്യയിൽ പോയി വരുമായിരുന്നുവെന്ന് ബ്രിട്ടീഷ് കോടതി കണ്ടെത്തി.

2002ൽ വിമാനാപകടത്തിൽ ക്രോണിയ മരിച്ചു.

Story Highlights- Sanjeev Chawla, match fixing